登入會員
品牌介紹
關於我們
企業徵才
客服中心
會員專區
與我連絡
申訴信箱
FAQ
電子報
書目下載
圖書總覽
服務推薦
教學網
考用網站
首頁
書目下載
會員專區
與我連絡
飛躍六十 迎向百年
法律/政治
法律
政治、公共事務
財經/商管/觀光
財經、商管、統計
觀光、餐旅、休閒
文/史/哲/期刊
辭書、總類
語言、文學
歷史、哲學、宗教
藝術、設計、文創
學術期刊
理工/醫護
理工
醫護暨生命科學
農林漁牧
教育/心理/傳播
教育
心理、諮商與輔導
社會、傳播(影視)
小五南/中等教育
小五南
電機與電子群
餐旅群
家政群
商業與管理群
英文
藝術群
農業群
食品群
【春節延後出貨公告】 「適逢春節假期,五南官網均可正常下單購買,惟2/10(二)17:00後的網站訂單,預估將延至2/23(一)下午後出貨,造成不便敬請見諒。」
庫存量不足。
可訂購時通知我
分享
小五南
-
學習高手
臺灣台語認證我上強2:台語四格圖學習新課綱素養
全面訓練【閱讀、書寫、聽力、口語】,配合A卷、B卷語言能力認證題型,也適合語文競賽臺灣台語情境演說!
作 者:
魏俊陽
出版社別:
小五南
書 系:
學習高手
出版日期:2026/03/28(1版1刷)
ISBN:978-626-442-261-1
E I S B N:9786264422574
書 號:YX29
頁 數:272
開 數:20K
剩餘庫存:0本
剩餘庫存量非即時庫存量,若仍有購買需求請洽詢客服或業務分機824、889。
定 價:480元
優惠價格:432元
滿額優惠折扣
2/25-3/31 五南小開書展全館滿550再95折
◎專文推薦 新北市鶯歌區永吉國小校長 鍾信昌 「活水來冊房」版主、新北市三峽區龍埔國小教師 黃震南 ◎聯名推薦 臺灣師範大學雙語教育推動辦公室主任 劉美慧教授 「順聰款」版主 鄭順聰 新北市三峽國小教師 黃如莉 臺中市新高國小教師 李亭 臺南市裕文國小主任 楊芠函 臺南市麻豆國小教師 黃姿榕 高雄市五福國中主任 王崇憲 彰化縣南港國小老師 賴盈璇 雲林縣水燦林國小主任 施婉茹
#掃描QR Code音檔,自學臺灣台語發音 #看四格漫畫寫臺灣台語短文,輕鬆有趣 #一書在手,全面訓練臺灣台語【閱讀、書寫、聽力、口語】 #配合A卷、B卷語言能力認證題型 #適合語文競賽臺灣台語情境演說 ★專文推薦★ 新北市鶯歌區永吉國小校長 鍾信昌 「活水來冊房」版主、新北市三峽區龍埔國小教師 黃震南 ★聯名推薦★ 臺灣師範大學雙語教育推動辦公室主任 劉美慧教授 「順聰款」版主 鄭順聰 新北市三峽國小教師 黃如莉 臺中市新高國小教師 李亭 臺南市裕文國小主任 楊芠函 臺南市麻豆國小教師 黃姿榕 高雄市五福國中主任 王崇憲 彰化縣南港國小老師 賴盈璇 雲林縣水燦林國小主任 施婉茹 【本書特色】 一、以閩南語字音字形撰寫故事文本,列出重要詞目、音讀、釋義,學習閩南語俗諺。 二、看四格漫畫寫短文,附30秒、1分鐘版本的參考答案,以及2分鐘的情境演說文字稿。 三、依故事文意撰寫閱讀測驗,馬上學、馬上測。 四、提供不同語詞,訓練串組成短文,加強語句書寫能力。 【內容簡介】 ◎掃描QR Code聽文本、題目、答案音檔,自學臺灣台語發音,認證提懸分! 予你輕鬆準備臺灣台語語言認證A卷和B卷,一擺共聽講讀寫攏練起來! 三十回精彩的故事,無論是大人抑是囡仔,那看故事那練臺灣台語。 結合課綱的學習內容,予你學習有根據,議題一擺學透透,培養台語的素養。毋但有傳統的表演藝術主題,閣有時行的流行科技,時事、體育,遮攏有! 專業級的老師,針對題型設計的題目,予你輕鬆通過認證閣透過故事知影做人做事的道理。
魏俊陽 ◎現任 新北市永和區秀朗國小教師 臺灣師範大學通識教育中心兼任助理教授 ◎曾任 教育部中央輔導團本土語文組副組長、組員 新北市閩南語輔導團團員 全國語文競賽閩南語演說評審 新北市語文競賽閩南語演說、字音字形培訓老師 新北市、桃園市語文競賽閩南語演說、字音字形評審 ◎語言認證 教育部105年度閩南語認證專業級 ◎語文競賽 114年全國語文競賽臺灣台語演說教師組特優 ◎著作 《臺灣台語認證我上強1:伊索寓言》 《臺語文素養導向教學全攻略》 《讀寫合一的課堂風景:國語文閱讀與寫作之旅》 《台中 玩盡台灣全中部!》2025-26激新版 I Can旅遊系列06 《高雄墾丁台南 玩盡台灣南部+澎湖!》2025-26激新版 I Can旅遊系列11《上海 蘇杭+7大水鄉深度遊》2026-27激新版 I Can旅遊系列18《沖繩 琉球群島Chill度遊!》2026-27激新版 ◎共同著作 《十二年新課綱本土語文教材教法》 《十二年國民基本教育閩南語文差異化教學補充教材(國中階段)試用版》
推薦序1 講咱的語言,想咱的未來:一本為現代生活起造的台語活教材
推薦序2 練台語,才綴會著時代
序 言 做伙講台語,綴世界的跤步向前行
◎自我理解類
愛受氣的阿新
金牌bo̍k-sìn-gù(拳擊)
一人一个性
行行出狀元
◎日常生活類
佇厝鬥摒掃
安全愛注意
優先席新聞
金牌羽毛球
俗語誠趣味
野柳好𨑨迌
網路起風波
◎社區生活類
神明生
頭擺投票的體驗
做伙講台語
◎環境教育類
鬥陣來淨灘
石虎的危機
海龜新樂園
寒流有夠寒
南方四島:海洋奇觀的冒險
◎科技運用類
AI當著時
◎藝術人文類
廟口看歌仔戲
布袋戲誠趣味
◎人際溝通類
火燒島的記持
◎在地特色類
阿勇的蓮霧園
阿珍的農業夢
守護大海
中秋的幸福
◎國際認捌類
無國界醫師
拯救地球行動
節能減碳
推薦序1:講咱的語言,想咱的未來:一本為現代生活起造的台語活教材/新北市鶯歌區永吉國小校長 鍾信昌 語言,是咱維持生存的空氣,嘛是咱連結情感的血脈。當台語正式成做「國家語言」,按怎予伊毋但「活佇記持內底」,閣愛「活佇生活內底」,成做咱這代人上重要的課題。咱的焦慮定定是「聽有,毋過講袂輾轉」、「想袂起彼个詞欲按怎講」。俊陽寫的這本冊,就是為這个時代起造的實櫼解答。 這毋是一本傳統的課本;這是一本地圖,指引咱揣著台語佇現代生活內底的座標。 傳統教材的編排,定予人感覺佮現實生活有淡薄仔綴袂著跤步。這本冊上大的特色,就是伊的「生活主題式」架構。伊共課綱的學習內容轉化,擘畫做九大類,對「自我理解」出發,行入「日常生活」、「社區生活」的「在地特色」,閣將眼光擴展到「環境教育」、「藝術人文」,甚至到「科技運用」佮「國際認捌」。 這款的編排,毋但是分類,閣是一種學習的進路:對內到外,對家己到世界。咱會當學著按怎用台語表達家己的「情緒」、講出家己的「個性」;嘛會當討論家庭分工(親像「佇厝鬥摒掃」)佮生涯規劃(「行行出狀元」)。予台語學習者對一開始,就建立起「台語就是生活」的觀念。 伊拍破一个迷思:啥物人講台語干焦會當講古早的代誌? 這本冊予我上感動的,是伊勇敢閣堅定共台語 入「現代議題」的殿堂。伊共咱證明,台語絕對有能力、嘛有必要去承載複雜、深刻、閣前衛的思考。 當咱咧煩惱網路霸凌,咱會當讀著「網路起風波」,學習按怎用台語討論法律佮網路禮儀。當咱咧關心性別平權,咱會當看著「金牌 bo̍k-sìn-gù(拳擊)」,對bo̍k-sìn-gù 選手林郁婷的故事,討論「性別平等」的主題。當全世界咧面對氣候變遷,咱會當透過「拯救地球行動」佮「節能減碳」,學習用母語來思考咱對環境的責任。當AI 浪潮席捲而來,咱嘛有「AI 當著時」這个單元。甚至,咱會當用台語反思「火燒島的記持」,看見歷史佮人權。 這毋但是語言教材,這根本就是一本現代公民素養的讀本。伊予咱建立起一種「雙語思考」的能力──會當用華語思考的,嘛會當用台語來思考,而且台語所想的,定定閣較有在地的氣味佮情感的厚度。 為著予學習者「會曉用」,伊建構一个完整的學習循環,鍛鍊「聽、講、讀、寫」的全方位能力。每一个主題,攏對「看圖講話」開始,刺激表達的欲望;了後提供「A 卷30 秒」佮「B卷 1 分鐘」的參考答案,是非常實用的訓練。紲落來的「情境演說」佮Q&A,是表達能力的進階。對輸入面來講,「文章朗讀」培養語感,「閱讀測驗」確認理解。上煞尾,用「語句書寫」收尾,共所學的詞彙實際運用。這一个完整的循環,對被動吸收到主動產生,予學習者毋但是「會曉聽」,閣較是「會曉用」。 語言的流失,上驚的就是「無話通講」。 俊陽寫的這本冊,就是咧替台語「創造情境」,伊共咱生活內底會拄著的大細項代誌,攏共款款攢好勢。予咱知影,原來咱會當用台語關心「石虎的危機」,嘛會當用台語去「野柳𨑨迌」,會當欣賞「廟口看歌仔戲」,嘛會當討論「布袋戲誠趣味」。 這是一本充滿熱情佮理想的冊。誠心邀請每一位讀者,拍開這本冊,大聲共伊讀出來,予這寡美麗的詞彙佮生動的語句,充滿咱的厝、咱的學校、咱的社區。咱做伙來學台語,用咱的母語,講出咱家己的故事,共台語「講轉來」。 ------------------------------------------------------------------------------------------ 推薦序2:練台語,才綴會著時代/新北市三峽區龍埔國小教師、臉書粉專:「活水來冊房」版主 黃震南 這幾年來,「考認證」成做一項全民運動,毋管查埔查某、大漢細漢,逐家樓頂招樓跤,攏去考認證;尤其佇中小學,熱心的老師閣會𤆬規群囡仔去團體報名,所擺咱佇認證的考試場,嘛看著愈來愈濟囡仔。 這个現象嘛反映佇最近幾冬的統計:考A 卷的人真濟,考有過A1 的人比考有過A2 的人比例加真懸;這種現象嘛出現佇B 卷,B1 的通過率超過60、70%,毋過通過B2 的干焦十幾%,有時陣甚至無到10%。 看著按呢的情形,予人感覺真歡喜,嘛感覺真無彩──咱歡喜講推行考台語認證十外冬,到今猶閣真濟人欲考,而且少年人、囡仔人愈來愈濟,是真好的趨勢;毋閣又感覺有影無彩,人講「造塔,著造透尾」,逐家若像就干焦差一步爾,就會當進階到A2、B2 矣,無考著實在毋甘願啦! 來來來,緊來緊來,你差彼一步,俊陽老師來共你鬥打扎。這本《臺灣台語認證我上強2:台語四格圖學習新課綱素養》收錄30 个故事,予你對頭練到尾,功力聽好增加一甲子! 這本冊的內容,完全針對現此時的台語認證來設計。伊將所有的單元,分做真濟主題:對「自我理解」一直到「日常生活」,閣有「環境教育」、「科技運用」等等。內底收錄的題目,攏是對日常生活中千百萬項代誌揀甲仁仁仁的題材,予人讀著袂感覺無聊,而且真實用。 比論講,有關「自我理解」的議題,就有「愛受氣的阿新」(性地控制)、「行行出狀元」(生涯規劃)。有關「公民社會」的議題,有「金牌bo̍k-sìn-gù(拳擊)」(性別平等)、「頭擺投票的體驗」(民主素養)、「網路起風波」(網路倫理)、「優先席新聞」(公民素養)等等 。上讚的是閣有「文化佮環保」的議題,介紹台語傳統文化(俗語、布袋戲、歌仔戲),關心環境教育和國際議題,比論講淨灘、石虎危機、海洋保育、AI 科技運用佮節能減碳。論真講,咱一般人日常生活,該讀冊上班的,每日無閒咧拚考試、顧三頓,哪有時間了解遮濟議題?這本冊攏攢便便咧等你,練台語閣兼吸收智識、訓練思考能力。 每一篇閣有佮「看圖講話」、「文章朗讀」、「閱讀測驗」、「語句書寫」四大題型,毋但予讀者會曉讀、會曉寫,閣會曉講,是一套完整訓練聽、說、讀、寫四項能力的教材,幫助學習者拍底蒂。 這本冊適合所有的台語學習者,特別是: 一、準備考台語認證的考生。 二、 學校老師佇教學上欲揣貼近生活、多元、時行的題材。 三、對臺灣文化、時事有興趣的自學者。 我閣建議兩个使用這本冊的撇步: 一、毋通將伊干焦當做一本考試用冊,著愛用伊的情境來做「興沬式」的學習。逐工選一个情境,比論講「佇厝鬥摒掃」,著愛應用句型,佮厝內的序大、朋友對話,將台語當做日常生活的溝通工具,毋是家己讀予冊聽爾爾,冊嘛袂共你應!(「沉浸式」有人翻譯做「浸水式」、「浸汰式」,毋過我家己翻譯做「興沬式」,這个「沬」字除了藏落去水底,嘛有「強烈想欲創啥」的意思,所以「興沬式」毋但是浸佇環境爾,閣愛有熱情、熱愛,著愛到真痟的地步!) 二、練習「情境演說」的時,著愛家己錄音起來,一直聽、一直校正,甚至共錄音檔傳予序大聽看覓。到你感覺伊「有影是阿母/阿爸/阿公/阿媽咧講話的氣口」彼時,你的台語就真老矣! 這本冊是一本誠有系統、內容豐富、閣有現代精神的台語教材,是推廣台語足實用的工具冊。我誠心推薦這本教材予逐家,向望台語的未來,會當傳承文化,閣會當連結著新時代,希望逐家來鬥陣推廣。
科技運用類 主題:數位科技 AI當著時 A卷 30秒看圖講話參考答案 1、阿晴佇科學比賽得著冠軍,獎品是AI機器人,伊共號名做「阿樂」。 2、拜六,阿晴參加學校辦的生態活動,第一關是認捌植物,阿晴問阿樂:「這是啥物樹?」阿樂講:「這是相思樹。」,伊就順利過關。 3、第二關是看花的圖揣出花佇佗位。阿樂真緊就揣出黃梔仔花。最後一關,愛用台語紹介動物。阿晴就紹介長尾山娘,講甲真輾轉,任務順利完成。 4、活動了後,阿晴發現,AI科技毋但誠利便,閣會當予學習變甲誠趣味。 B卷 1分鐘看圖講話參考答案 1、阿晴佇科學比賽得著冠軍,獎品是一台AI 機器人,伊共號名做「阿樂」。 2、拜六,阿晴和同學參加學校辦的生態活動,第一關是認捌植物,阿晴隨問阿樂:「這是啥物樹?」阿樂講:「這是相思樹。」亻因的隊伍順利過關。 3、第二關是看花的圖,揣出花佇佗位。阿樂真緊就揣出黃梔仔花。最後一關,愛用台語紹介動物。阿晴決定紹介長尾山娘,伊講甲真輾轉,閣順利完成挑戰。 4、經過規工的活動,阿晴發現,AI 科技毋但利便,閣會當予學習變甲誠趣味。 情境演說題目: AI 是這馬誠著時的話題,請你用AI 做主題,講看覓,佇學校捌參加AI 比賽的代誌。 情境演說 2分鐘參考答案 阿晴是一个國小的學生,有一擺佇學校辦的科學比賽得著冠軍,獎品是一台AI 機器人,伊就共號名做「阿樂」。阿樂是一个會學習、會講話的機器人,會當共阿晴鬥解決問題,甚至陪伊完成挑戰。 拜六,阿晴和同學做伙參加學校辦的生態活動。每一个小組攏愛完成三个挑戰,才會當過關。第一關是認捌植物,阿晴看著一欉生份的樹仔,隨問阿樂:「這是啥物樹?」阿樂講:「這是相思樹,樹皮會當防止土壤流失。」亻因順利通過挑戰。 第二關是看花的圖,揣出花佇佗位。阿樂真緊就揣出黃梔仔花。最後一關,愛用台語紹介森林內底的一種動物。阿晴小可緊張,阿樂用台語共鼓勵:「加油啦!你一定會講甲真好!」,阿晴尾仔決定紹介長尾山娘,伊講甲真輾轉,最後順利完成挑戰。 經過規工的活動,阿晴發現,AI 科技毋但利便,閣會當予學習變甲誠趣味。阿晴歡喜講:「阿樂真正是我上好的朋友!」對囡仔來講,AI 是未來的趨勢,嘛是生活的一部分。 情境演說 Q&A參考 Q:你有用過AI 無?分享你的經驗。 A:我有用過AI 畫圖,只要共語法寫落去,閣共我想欲畫的主題寫清楚,AI 就會佇幾秒內底,畫出一幅閣一幅符合我要求的圖,實在誠厲害! Q:你會想欲用AI 來做啥物代誌?講看覓。 A:我想欲用AI 來寫歌,因為我對音樂真有興趣,若是會當用AI 來寫歌,一定會當真緊就寫出歌曲,毋但省時間閣真有成就感。
0
1